აშშ-ში, ჩრდილო კაროლინელი შავკანიანი მამაკაცი, რომელმაც ციხეში 44 წელი ცრუ ბრალდებით გაატარა, გაათავისუფლეს. საპატიმროდან გამოსვლისას მან ხელები აწია და ხალხს მიმართა: „ ეს ძალზე გრძელი გზა იყო, თუმცა ამით დასრულდა. უკვე ყველაფერი დასრულდა“.

მან მადლობა გადაუხადა თავის ადვოკატებსა და ოჯახის წევრებს, რომლებმაც ბოლომდე მიიყვანეს მისი სასამართლო ბრძოლა, რომლითაც დამტკიცდა, რომ იგი უდანაშაულო ყოფილა. 64 წლის რონი ლონგი 1976 წელს დამნაშავედ სცნეს თეთრკანიანი ქალის გაუპატიურებასა და ძარცვაში, რომლის შემდეგაც მას სამუდამო პატიმრობა მიესაჯა.

სასამართლოს განცხადებით, მტკიცებულება რომლის საფუძველზეც იგი დააკავეს იყო მამაკაცის სპერმის ნიმუშები და თითის ანაბეჭდები შემთხვევის ადგილიდან- ხელახალი განხილვის შემდეგ ლონგის ანაბეჭდებსა და სპერმის ანალიზს არც ერთი მათგანი არ დაემთხვა. მოსამართლის თქმით, იგი არასამართიანად იქნა დაპატიმრებული, რამაც მისთვის 44 წლის „მოპარვა“ განაპირობა. იგი ძალზე დრამატულად იქნა დაპატიმრებული- 1976 წლის 25 აპრილს როდესაც 54 წლის თეთრკანიანი ქალი ჩრდილო კაროლინაში გააუპატიურეს, პოლიციამ 2 კვირის შემდეგ მსხვერპლი დაიბარა განყოფილებაში და სთხოვა პოტენციური თავდამსხმელი ამოეცნო, რა დროსაც ქალმა ლონგს ’’ ხელი დაადო“.