მექსიკურმა ნარკო კარტელის ე.წ ორგანიზაციებმა აქტიურად დაიწყეს ასაფეთქებელი ნივთიერებით შეიარაღებული მცირე ზომის დრონების გამოყენება კონკურენტებისა და სამართალდამცავთა წინააღმდეგ მიმდინარე სისხლიან დაპირისპირებებში.

მექსიკური ნარკო კარტელი მუდმივად ამაყობდა და ტრაბახობდა ქვეითი სამხედროსთვის დამახასიათებლად უმაღლეს დონეზე შეიარაღებით- ხშირია შემთხვევები, როდესაც დაქირავებული მებრძოლების აღჭურვილობაშია დაჯავშნული მანქანები, მსხვილკალიბრიანი ცეცხლსასროლი ავტომატური და სნაიპერული შაშხანები, ყუმბარმტყორცნები და სხვადასხვა სახის ლეტალური იარაღი.

ახლა კი, უკანასკნელი პერიოდის განმავლობაში მექსიკელმა სამართალდამცავებმა არაერთი შემთხვევა დააფიქსირეს, როდესაც ნარკო კარტელის მიერ აქტიურად გამოიყენება კუადკოპტერის სტილის დრონები, რომლებსაც ზონრებით ბომბები აქვთ მიმაგრებული .

ერთ-ერთი ნარკოდაჯგუფების მანქანაში ათეულობით ზემოხსენებული ტიპის დრონი იქნა აღმოჩენილი. გავრცელებული ინფორმაციით ბომბების ე.წ კონტეინერი დამზადებულია პლასტმასის შეკვრაში ჩამონტაჟებული საარტილერიო ჭურვის ფრაგმენტებითა და C-4 -ის ამფეთქებით.