საზოგადოებრივი ჯანდაცვის ზუგდიდის ცენტრის ინფორმაციით, მიმდინარეობს თბილისი-ზუგდიდის მატარებლის მგზავრების მოძიება, რომლებმაც კოვიდინფიცირებულ ახალგაზრდა ქალთან ერთ ვაგონში იმგზავრეს.

ამ დროისთვის ნაპოვნია ხუთი მგზავრი. სამი მათგანი თვითიზოლაციაში გადავიდა, ხოლო ორი კარანტინში გადაიყვანეს.

Covid-19 დღეს ზუგდიდში ახალგაზრდა ქალს დაუდასტურდა. ის ზუგდიდში 28 აგვისტოს ჩავიდა და ერთ-ერთ სასტუმროში დაბინავდა. პაციენტი რუხის საავადმყოფოში გადაიყვანეს. სასტუმროში ჩატარდა დეზინფექცია და თანამშრომელი, რომელსაც უშუალო ურთიერთობა ჰქონდა კოვიდინფიცირებულთან, თვითიზოლაციაშია.