შვედეთში თინეიჯერის ასაკში მყოფი ორი ბიჭი აწამეს, გააუპატიურეს ხოლო შემდეგ კი ცოცხლად დამარხეს. მათ თავს 21 და 18 წლის ახალგაზრდები დაესხნენ თავს. გავრცელებული ინფორმაციით, დამნაშავეებმა მათ ნარკოტიკის გაყიდვა მოსთხოვეს, რაზეც უარი მიიღეს- სწორედ ეს გახდა მათი წამების მიზეზი. ორივე მათგანი მათივე ნების საწინააღმდეგ წაიყვანეს სასაფლაოზე, სადაც სასტიკად სცემეს- ბლაგვი საგნის გამოყენებით მიაყენეს მრავლობითი ჭრილობა ფეხის არეში.

პოლიციის თქმით, ბიჭებს აიძულეს ტანსაცმელი გაეხადათ, რომლის შემდეგაც ისინი გააუპატიურეს, ორმოში ჩააგდეს და ცოცხლად დამარხეს. განგაშის-ყვირილის ხმა მიმდებარე ტერიტორიაზე ერთ-ერთმა ფეხით მოსიარულე გამვლელმა ადამიანმა გაიგო, რომელმაც პოლიცია გამოიძახა. სამართალდამცავებმა შემთხვევის ადგილას აღმოაჩინეს ნახევრად დამარხული ახალგაზრდები, რომლებმაც გონება არ დაკარგეს და სიკვდილს გადაურჩნენ.

აღნიშნულის შემდეგ პოლიციამ 18 წლის ეჭვმიტანილი დააკავა, რამდენიმე წუთში კი უკვე 21 წლის ახალგაზრდაც დააპატიმრეს- მათ ბრალად გატაცება, თავდასხმა დამამძიმებელ გარემოებაში, გაუპატიურება და ძარცვა ბრალდებათ.