ბელარუსის პრეზიდენტმა ალექსანდრ ლუკაშენკომ პარასკევს მედიასთან საუბრის დროს განაცხადა, რომ იგი რუსეთის პრეზიდენტთან დიალოგის დროს დათანხმდა შემოთავაზებას გააერთიანონ სამხედრო შეიარაღებული ძალები იმ საფრთხეების წინააღმდეგ, რომლებიც დასავლეთიდან მომდინარეობს- ამის შესახებ ინფორმაციას სახელმწიფო მედია BELTA ავრცელებს.

ლუკაშენკოს თქმით, ჯერ არც ერთ რუს ჯარისკაცს არ გადაუკვეთია ბელარუსის სახელმწიფო საზღვარი. დღეს დილით, ქვეყნის პრეზიდენტმა არმიის თითქმის სრული შემადგენლობა საბრძოლო მზადყოფნაში მოიყვანა- ეს ფაქტი კი დასავლეთიდან მომდინარე საფრთხით ახსნა. ლუკაშენკო აგრეთვე დაემუქრა ლიეტუვის მთავრობას, რომ სატრანზიტო მაგისტრალებს ჩაკეტავს და ბოიკოტს გამოუცხადებს ლიეტუვის პორტებს იმ შემთხვევაში თუ სანქციები იქნება ამოქმედებული ოფიციალური მინსკის წინააღმდეგ.