დონალდ ტრამპის განცხადებით, აშშ-ში წლიბ ბოლომდე ექნებათ ანტიკორონავირუსული ვაქცინა,რომლითაც შეძლებენ პანდემიის დამარცხებას. ამის შესახებ მან რესპუბლიკური პარტიის თავყრილობაზე სიტყვით გამოსვლისას განაცხადა. მოქმედი პრეზიდენტის თქმით, ასიათასობით ამერიკელი მოკვდებოდა პანდემიის განმავლობაში მის პოსტზე დემოკრატიული პარტიის საპრეზიდენტო კანდიდატი, ჯო ბაიდენი რომ ყოფილიყო.

„უკანასკნელი რამდენიმე თვეა, რაც ჩვენს სახელმწიფოს და აგრეთვე მთელ მსოფლიოს უძლიერესი უჩინარი მტერი თავს დაესხა კორონავირუსული პანდემიის სახით. ჩვენ, ამერიკელები წინ აღვუდექით ამ გამოწვევას. ინფექციის საწინააღმდეგო ვაქცინის ოფიციალური წარმოება წლის ბოლომდე, ან უფრო ადრე დაიწყება“- აღნიშნა ტრამპმა.

შეგახსენებთ, რომ კორონავირუსის შემთხვევათა რაოდენობა 24 635 518-ს გასცდა, რომელთაგან ფატალურად 835 679 დასრულდა. 17 მილიონზე მეტმა ადამიანმა უკვე დატოვა საავადმყოფოები და სამკურნალო დაწესებულებები და სრულად არიან განკურნებული აღნიშული ინფექციისგან. ყველაზე მეტი გარდაცვალება აღნიშული ვირუსისგან აშშ-ში ფიქსირდება, სადაც ვირუსმა 6 მილიონზე მეტი ადამიანი დააინფიცირა, ხოლო 184 000-ზე მეტი კი მოკლა.