დღეს ლუკაშენკომ დასავლეთზე უარი თქვა და ბელორუსი საბოლოოდ რუსეთის ვასალად გადაიქცევა

დღეს ლუკაშენკომ დასავლეთზე უარი თქვა და ბელორუსი საბოლოოდ რუსეთის ვასალად გადაიქცევა - დილომატი

მსოფლიო - 18:38, 27 Aug, 2020

1636

პაველ მაცუკევიჩი აგვისტოს დასაწყისამდე ბელორუსის საქმეთა დროებითი რწმუნებული იყო შვეიცარიაში აცხადებს, რომ ქვეყანა ღრმა კრიზისისკენ მიექანება. ლუკაშენკოს ქონდა შანსი, რომ ბელორუსის სასკოლო სახელმძღვანელოებში დადებით პიროვნებად შესულიყო, მაგრამ მან ყველა მიღწევას ხაზი გადაუსვა.

მაცუკევიჩი შვეიცარიიდან დაბრუნების შემდეგ საგარეო საქმეთა სამინისტროში იწყებდა მუშაობას, მაგრამ არჩევნების შემდეგ განვითარებული მოვლენებმა გადაწყვეტილება შეაცვლევინა.

მის მთავარ დანაკარგად დიპლომატი დასავლეთთან გაწყვეტილ ურთიერთობებს მიიჩნევს.

"ჩვენ აღარ ვართ ეკონომიკურად დამოუკიდებლები, რადგან დასავლეთის ვექტორზე უარი ვთქვით, ანუ ინვესტიციებზე, კრედიტებზე, მანევრირების საშუალება. ჩვენ მივებარებით რუსეთს, დე იურე არა, მას ჩვენი ხმა სჭირდებათ საერთაშორისო არებაზე. ხოლო დე ფაქტო სწრაფად და უხმაუროდ ვასალურ დამოკიდებულებაში აღმოვჩნდებით,"- აცხადებს ის.

ამასთან, დიპლომატი ბელორუსის, როგორც საერთაშორისო მოლაპარაკებების არეალის ფუნქციის დაკარგვასაც აღნიშნავს. ბელორუსი დაკარგავს იმ მიღწევებს, რომელიც IT-ბაზარზე აქვს, ამის შემდეგ ამ სფეროში მომუშავე ახალგაზრდობა დასავლეთს მიაშურებს.

მისი თქმით, ბელორუსი არც ადრე იყო დემოკრატიული ქვეყანა, მაგრამ არჩევნებზე ლუკაშნეკოს წინა გამარჯვებები "ითვლბოდა ლეგიტიმურად ქვეყნის შიგნით", იყო აქციებიც, დარბევებიც, დაჭერებიც, მაგრამ ასეთი მასშტაბები არ ყოფილა.

"ლუკაშენკომ იცის რეალური მდგომარეობას, ამის არდანახვა შეუძლებელია, მაგრამ ის ეტყობა ნამდვილად თვლის, რომ ერის გადამრჩენია და ხალხის არჩევანს არ ენდობა. ალექსანდრ გრიგორიევიჩი მომხდარს ამართლებს "კეთილი ზრახვებით", მაგრამ ეს გზა ჯოჯოხეთამდე მიგვიყვანს," - თვლის ბელორუსის საგარეო უწყების ყოფილი თანამშრომელი.

მისი აზრით, გამოსავალი მარტივი არ იქნება, მშვიდობიანი პროტესტების ლუკაშენკოს არ ეშინია. იგი ცდილობს სიტუაცია "გადააფორმატოს", მაგრამ არც ალტერნატიული მიტინგები, არც ძალადობა, არც რუსი პიარშიკები შედეგს არ იძლევა. მისი თქმით, შესაძლოა ლუკაშენკო იმავე ხალხმა "წაიყვანოს, ვინც 1994-ში მოიყვანა".