ნიუ-იორკის პოლიცია ეძებს დამნაშავეს, რომელიც მეტროს მატარებლების შუშებს ამსხვრევს. თვის განმავლობაში დამნაშავემ, ან დამნაშავეთა ჯგუფმა დაახლოებით 300-მდე მატარებლის ფანჯარა დააზიანა.

ნიუ-იორკის პოლიციის განცხადებით, დამნაშავის შესახებ ინფორმაციის მიწოდებისთვის, რომელიც მისი დაჭერით დასრულდება 12 500 დოლარს გადაიხდის.

თუმცა, მას შემდეგ, რაც დამნაშავის დაკავებაზე ჯილდო გამოცხადდა, მან ორ სხვადასხვა პატარებელში 39 ფანჯარა დააზიანა.

ნიუ-იორკის ხელისუფლება აცხადებს, რომ მსგავსი ქმედებების გაგრძელება მომუშავე მატარებლების დეფიციტს გამოიწვევს და შესაბამისად, ტრანსპორტის მომსახურებასაც გაუარესდება, რადგან მეტროს მატარებლის ფანჯარა ზიანდება, საჭიროა მთლიანად ტრანსპორტი მოიხსნას ხაზიდან მანამ, სანამ მას არ შეაკეთებენ.

ვითარებას ართულებს ის ფაქტი, რომ მატარებლის დაზიანებას მხოლოდ მაშინ ნახულობენ, როდესაც ის ბოლო გაჩერებაზე ჩერდება.