დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ კორონავირუსის ვაქცინის წარმოება ფინალურ ეტაპზე შედის.

როგორც მან მთავრობის ადმინისტრაციაში გამართულ ბრიფინგზე განაცხადა, კლინიკურ კვლევას ცხრამდე ვაქცინა გადის.

"აქედან სამი მესამე ფაზის კვლევებშია და შესაძლებელია, რომ გვიან შემოდგომაზე მარეგულირებელმა ორგანოებმა დაამტკიცონ რამდენიმე ვაქცინა", - თქვა გამყრელიძემ.

მისივე განმარტებით, ვაქცინების გლობალური ალიანსიის კოორდინირებით მიმდინარეობს ქვეყნებთან მუშაობა ვაქცინის შესაძლო მიწოდებასთან დაკავშირებით, რომელშიც ჩართულია საქართველო.

გამყრელიძის თქმით, იქ არის პირობები, რომელსაც ქვეყანას წაუყენებენ, რა ეტაპები უნდა გაიაროს და სწორედ ეს საკითხი განიხილეს დღევანდელ სხდომაზე.