რუსეთის ტექნოლოგიური სიახლე - პოლიციის ფარი, რომელიც დემონსტრანტებს ესვრის

მსოფლიო - 18:13, 24 Aug, 2020

2412

რუსეთის თავდაცვის სამინისტროს საწარმოებმა ფორუმ "Армия 2020"-ზე ის ტექნოლოგიური სიახლეები წარმოადგინეს, რომელიც რომელიც მათ გასული წლის განმავლობაში შექმნეს.

გამოფენაზე საზენიტო-სარაკეტო კომპლექს "Абакан"-ის, სამხედრო ბორან "კალაშნიკოვსა" და ახალი მოდიფიკაციის ქვეითთა საბრძოლო მანქანასთან ერთად წარმოდგენილი იყო პოლიციის სპეცრაზმელთა ფარი "ლეგიონერი", რომელიც საპროტესტო აქციების დაშლისთვის არის განკუთვნილი.

სიახლე ის არის, რომ ფარში დამონტაჟებულია სპეციალური მოწყობილობა, რომელის საშუალებითაც სპეცრაზმელს შეუძლა მომიტინგეთა მისამართით არალეტალური საბრძოლო მასალის (რეზინის ტყვიები, პეტარდები, წიწაკისა და სხვა სახის ცრემლსადენი გაზის მასრებ) სროლაა შესაძლებელი.

მოწყობილობა ფარის შდა მხარეს მონტაჟდება და ჩახმახი ფარის სახელურზევეა დამონტაჟებული. მას 12 მოკლე ლულა აქვს და სამ რიგად არის გაყოფილი, შესაბამისი დანიშნულების ტყვიების მიხედვით. მსროლელს შეუძლია აირჩიოს, თუ რომელი ტყვია გაისროლოს. ამასთან, ფარს ლაზერული დამიზნების სისტემაც გააჩნია.

გარდა ამისა თავდაცვის უწყებამ გამოფენაზე წარმოადგინა სამლულიანი "კოსმოსური პისტოლეტი", რომელიც საბჭოთა კოსმონავტებს ეძლეოდათ კოსმოსში გაფრენის წინ. პისტოლეტს ჩვეულებრივი ტყვიების გარდა, სასიგნალო რაკეტის გაშვებაც შეეძლო. როგორც განმარტავენ, ეს იარაღი კოსმონავტებს იმ შემთხვევაში დასჭირდებოდათ, თუ დედამიწაზე დაშვებისას კაფსულის აღმოჩენა დროულად ვერ მოხერხდებოდა.

"მაშინ კაფსულის მოძებნას, შესაძლოა, რამდენიმე დღე დასჭირვებოდა, ამიტომ კოსმონავტებს ეს იარაღი თავდაცვის, ნადირობისა და საკუთარი ადგილსამყოფელის შეტყობინებისთვის ურიგდებოდათ," - აცახდებენ ისინი.