ავსტრალიის ხელისუფლება აცხადებს, რომ მათ უკვე მოიპოვეს წვდომა კორონავირუსლ ვაქცინაზე და შესაძლებლობა ექნებათ მთელი მოსახლეობა, 25 მილიონი ადამიანი უზრუნველყონ საკმარისი რაოდენობის დოზებით.

ვაქცინაზე ამ დრომდე მიმდინარეობს მუშაობა ფარმაცეფტული კომპანია ასტრაზენაკასა და ოქსფორდის უნივერსიტეტის მიერ. „ თუ კლინიკური ცდები წარმატებული აღმოჩნდება, შეთანხმება მოხდება კომპანია ასტრაზენაკასთან, რაც გულისხმობს იმას, რომ ყველა ავსტრალიელს ექნება ვაქცინაზე წვდომა“- განაცხადა ქვეყნის პრემიერ-მინისტრმა, სკოტ მორისონმა. მისი თქმით, ვაქცინაცია ყველა მოქალაქისთვის იქნება სავალდებულო ხასიათის.

ავსტრალიაში საერთო ჯამში კორონავირუსისგან გარდაცვლილ ადამიანთა რაოდენობა მცირეა სხვა განვითარებულ და დიდ სახელმწიფოებთან შედარებით- სულ 463 ადამიანია დაღუპული კოვიდ 19-ისგან.

შტატ ვიქტორიაში აგვისტოს თვის დასაწყისში მკაცრი საიოზოლაციო ზომები მას შემდეგ შემოიღეს, რაც ინფექციის მაჩვენებელმა საგრძნობლად იმატა. ამჟამად 7000 პაციენტია ისეთი, რომელიც აქტიურ მკურნალობას გადის აღნიშნულ ვირუსზე.

ავსტრალიის ჯანდაცვის სამინისტრომ აგრეთვე ამერიკულ ფარმაცეფტულ კომპანია, ბექტონ დიკინსონთან 100 მილიონი შპრიცისა და ნემსის მიწოდების ხელშეკრულებას მოაწერა ხელი.