რუსი ოპოზიციონერი პოლიტიკოსი და პუტინის ერთ-ერთი მთავარი კრიტიკიკოსი, „კორუფციასთან ბრძოლის ფონდის“ ხელმძღვანელი ალექსეი ნავალნი ქალაქ ომსკის საავადმყოფოში, უგონო მდგომარეობაში მიიყვანეს.

მისი პრესმდივნის, კირა იარმიშის განცხადებით, 20 აგვისტოს დილით, სერგეი ნავალნი, რომელიც თვითმფრინავით ბრუნდებოდა ტომსკიდან მოსკოვში ცუდად შეიქნა და გონება დაკარგა. „ ჩვენ ვვარაუდობთ, რომ ალექსეი მოწამლეს რაღაც ნივთიერებით, რომელიც გარეული იყო ჩაიში. ეს იყო ერთადერთი, რაც მან დილიდან დალია. ექიმები აცხადებენ, რომ მომწამვლელი ნივთიერება ორგანიზმში ძალზე სწრაფად გავრცელდა. ალექსეი ახლა უგონო მდგომარეობაშია“- აცხადებს იარმიში.

გავრცელებული ინფორმაციით, ნავალნი ომსკის საავადმყოფოში, ტოქსიკოლოგიური განყოფილების რეანიმაციაში ხელოვნური სუნთქვის აპარატზეა მიერთებული. სოციალურ ქსელ ტვიტერზე ვრცელდება პირველი კადრები, თუ როგორ მიჰყავს უგონო მდგომარეობაში მყოფი ნავალნი სასწრაფო დახმარების მანქანას.