სამხედრო პირები და მათი ოჯახის წევრები საპატრიარქოს უნივერსიტეტში უფასოდ ისწავლიან

საზოგადოება - 21:09, 19 Aug, 2020

1782

საქართველოს თავდაცვის სამინისტროსა და საქართველოს საპატრიარქოს წმიდა ანდრია პირველწოდებულის სახელობის ქართულ უნივერსიტეტს შორის, ურთიერთთანამშრომლობის მემორანდუმს მოეწერა ხელი.
მემორანდუმის მიხედვით სამხედრო პირები და მათი ოჯახის წევრები საქართველოს საპატრიარქოს წმ. ანდრია პირველწოდებულის სახელობის ქართულ უნივერსიტეტში უფასოდ ისწავლიან.
„ერთი მხრივ, ხარისხიანი განათლების ხელმისაწვდომობა და მეორე მხრივ, სამხედრო საქმის პოპულარიზება, უმნიშვნელოვანესია ჩევნი საზოგადოებისთვის. სწორედ ამიტომ, საქართველოს თავდაცვის სამინისტროსა და წმ. ანდრიას ქართული უნივერსიტეტის გადაწყვეტილებით, სამხედრო პირების და მათი ოჯახის წევრების (მეუღლე, შვილი) SANGU-ში სწავლის წლიური საფასურის 50%-ს სამინისტრო ხოლო, დარჩენილ 50%-ს თავად უნივერსიტეტი დაფარავს. იმ შემთხვევაში თუ სტუდენტი მოიპოვებს 100%-იან სახელმწიფო გრანტს, უნივერსიტეტის მხრიდან მას 125 ლარიანი ყოველთვიური სტიპენდია დაენიშნება. ფინანსური მხარდაჭერა გაგრძელდება ყოველ მომდევნო სემესტრში, თუ აკადემიური მოსწრების მაჩვენებელი წინა სემესტრში არ იქნება 81 ქულაზე ნაკლები“,- ნათქვამია ინფორმაციაში.