ბელარუსის ჯანმრთელობის სამინისტრომ ქვეყანაში მიმდიანრე საპროტესტო აქციების ძალადობრივად დაშლის შედეგად კიდევ ერთი ადამიანის გარდაცვალების ფაქტი დაადასტურა. 43 წლის გენადი შუტკოვი მინსკის სამხედრო ჰოსპიტალის ოფიციალური ცნობით, 19 აგვისტოს დილით გარდაიცვალა. იგი ქალაქ ბრესტის მაცხოვრებელია.

ბელარუსული მედიის ინფორმაციით, შუტოვს სპეცრაზმელებმა ლუკაშენკოს საწინააღმდეგოდ გამართულ დემონსტრაციაზე ცეცხლსასროლი იარაღიდან ლეტალური ტყვია თავში ესროლეს. ადგილობრივთა და ოჯახის წევრთა განცხადებით, გენადი წინააღმდეგობას არ უწევდა პოლიციას, იგი უბრალოდ გადაადგილდებოდა იმ მიმართულებით, სადაც აქცია იმართებოდა. არსებობს მოსაზრება, რომ მის წინააღმდეგ სახურავიდან განხორიელდა სროლა.

შატოვის გარდაცვალებამდე მისმა ქალიშვილმა აღნიშნა, რომ მამამისს ცეცხლსასროლი იარაღით ჰქონდა მიყენებული ჭრილობა, დაზიანებული იყო თავის ქალა და ტვინი,ექიმები პროგნოზებს ვერ აკეთებდნენ.

შეგახსენებთ, რომ 3 დღის წინ ბელარუსის შსს-მა დაადასტურა ოფიციალურად, რომ მომიტინგეთა წინააღმდეგ გამოყენებული იქნა ლეტალური- აკ -74-ის 5.56 მმ-იანი ლეტალური ტყვიები. მათი თქმით, აღნიშნული ქმედება თავის დაცვით იყო გამოწვეული, რადგან დემონსტრანტები თავდასხმას ცდილობდნენ.