ნამიბიის მთავრობამ გააფრთხილა თავისი მოქალაქეები, არ ენდონ სოციალურ მედიაში გავრცელებულ მოსაზრებას იმასთან დაკავშირებით, რომ სპილოს ფუნას კორონავირუსისგან განკურნვა შეუძლია.

ქვეყნის გარემოს, ტურიზმისა და ტყის სამინისტროს სპიკერმა, რომეო მუიუნდამ REUTERS-თან საუბრის დროს განაცხადა- „ სპილოს ფუნა, როგორც კოვიდ 19-ის საწინააღმდეგო საშუალება ძალზე პოპულარულია საზოგადოებაში. სოციალური მედიით ხალხი ძალზე მაღალ ფასად ყიდის სპილოს ფეკალიებს".

აღნიშნულ ფაქტს გამოეხმაურა აგრეთვე ქვეყნის ჯანდაცვის მინისტრი, რომელიც აცხადებს, რომ ვინც ამას ავრცელებს, იგი მცდარი და რეალობას მოწყვეტილია. გავრცელებული ინფორმაციით, ნამიბიაში ზოგიერთი ტრადიციული შეხედულებების მქონე ექიმი აცხადებს, რომ სპილოს ფუნას შეუძლია ადამიანს თავისა და კბილის ტკივილი მოუხსნას. ბოლო დროს აქტიურად აღნიშნავენ, რომ ზემოხსენებულ ფეკალიებს აგრეთვე შეუძლიათ კოვიდ 19-ისგან განკურნვა.