ამერიკის შეიარღებული ძალების ევროპული სარდლობის ყოფილმა მეთაურმა, გენერაკმა ფილიპ ბრიდლავმმა საქართველოს ნატოში გაწევრიანების აუცილებლობაზე ისაუბრა. მისი თქმით, რუსეთმა საქართველოში შეჭრით ქვეყნის დასავლეთში ინტეგრაციის შეჩერება სცადა.

იგი ამერიკის ხმასთან ინტერვიუში აგრეთვე აღნიშნავს, რომ საქართველოს არმიამ ყველაფერი გააკეთა, რაც დასავლეთმა სთხოვა. მისი განცხადებით, საქართველოს ნატოს მისიებისთვის ყველაზე მეტი კონტრიბუცია გასწია.

„რუსეთის შეიარაღებულმა ძალებმა უცხო ქვეყნის ტერიტორიული საზღვრები გადაკვეთეს საერთაშორისოდ აღიარებული სუვერენული ქვეყანა დაიპყრეს. ეს ფუნდამენტური გარდატეხა იყო, რადგან ბევრი ვერ ამჩნევდა რუსეთის რეალურ ზრახვებს მანამდე, ვერც საქართველოში მომხდარი ომი აღმოჩნდა არაერთი პოლიტიკოსისთვის რუსეთის მიზნების მაჩვენებელი- ეს კი იქამდე გაგრძელდა სანამ დონბასა და ყირიმში რუსებმა ჯარი არ შეიყვანეს“ - აღნიშნა ბრიდლავმმა.

„საქართველოზე მეტი ნატოსთვის არავის გაუღია. ჩვენ ისინი ძალიან გვიყვარს და მათი მადლიერები ვართ. სამხედრო თვალსაზრისით, მათ ყველაფერი გააკეთეს, რაც ვთხოვეთ, ყველა მოლოდინს გადააჭარბეს. როცა საქმე სამხედრო ადაპტაციას და წვლილის შესრულებას ეხება, ჩემი თვალთახედვით, საქართველო უკვე ფინიშის ხაზზს გასცდა, მათ ნატოსთვის უდიდესი წვლილი გაიღეს“.

„ყველა, ვინც ქართველებთან ერთად ავღანეთში მსახურობდა და თქვენ კარგად მოგეხსენებათ, რომ ქართველებს ამერიკსი საზღვაო ქვეითებთან განსაკუთრებული ურთიერთობა აქვთ, ამბობენ , რომ ისინი საუკეთესოები და თავდადებულები, დიდი შესაძლებლობების მქონე სამხედროები არიან. გვიხარია, რომ ისინი ჩვენს გუნდში არიან.“