ბელარუსის პრეზიდენტმა, ალექსანდრ ლუკაშენკომ განაცხადა, რომ საგარეო სამხედრო საფრთხის შემთხვევაში ოფიციალურ მინსკს რუსეთი პირველივე თხოვნის შემდეგ ყოვლისმომცველ დახმარებას აღმოუჩენს. ამის შესახებ ქვეყნის პირველმა პირმა ბელარუსის თავდაცვის სამინისტროში სტრატეგიული მენეჯმენტის ცენტრში გამართულ შეხვედრაზე ისაუბრა. ინფორმაციას ადგილობრივი საინფორმაციო სააგენტო ბელტა ავრცელებს.

„როდესაც საუბარია სამხედრო კოპონენტზე, შეგახსენებთ, რომ ჩვენ რუსეთთან გაგვაჩნია ხელშეკრულება, რომელიც უსაფრთხოების სფეროში ურთიერთდახმარებას გულისხმობს. მიმდინარე მოვლენები სწორედ ზემოხსენებული შეთანხმების გასატარებელ ღონისძიებებს მიესადაგება. ამრიგად, დღეს მე მქონდა ხანგრძლივი და დეტალური საუბრები ვლადიმერ პუტინთან, სადაც მიმდინარე სიტუაცია განვიხილეთ. მინდა გითხრათ, რომ გაოგნებული ვარ- მე ბასოლუტურად ერთგული ვარ იმის, რაც ხდება.“- აღნიშნა ლუკაშენკომ

„ჩვენ პუტინთან საუბრის დროს შევთანხმდით: ჩვენი პირველივე თხოვნის შემთხვევაში, ბელარუსის რესპუბლიკის უსაფრთხოებისთვის ყოველმხრივი დახმარება იქნება უზრუნველყოფილი“- განაცხადა ბელარუსის პრეზიდენტმა.