ქობულეთში, ბუნგალო "ჰავანას" თანამშრომელს კორონავირუსი დაუდასტურდა. დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე ამბობს, რომ ინფიცირებულის თანამშრომლები ამ დროისთვის იზოლაციაში იმყოფებიან და მათ შესაბამისი კვლევები უტარდებათ.

იმნაძე მოსახლეობას სიფრთხილის გამოჩენისკენ მოუწოდებს:

„ერთი ძალიან არასასიამოვნო შემთხვევა გვაქვს. ქობულეთში გამოვლინდა შემთხვევა - ქალბატონი ჩასულია თბილისიდან სამუშაოდ. იქ არის ასეთი ბუნგალო „ჰავანა“ და ამ ბუნგალოში მომუშავე პერსონალი, ყველა ვინც კონტაქტში იყო ამ თანამშრომელთან უკვე მოკვლეულია და გადაყვანილია იზოლაციაში, მათ გამოიკვლევენ. მაგრამ, 9, 10 და 11 აგვისტოს, ვინც იყო ამ კაფეში ვიზიტორი, მინდა მაქსიმალურად გავაფრთხილო, რომ ფრთხილად, იყვნენ, თუ ოდნავ მაინც რაიმე სიმპტომები გამოუვლინდებათ, მიმართონ ცხელების ცენტრებს“, - განაცხადა იმნაძემ.