ტოქსიკური ნივთიერება ტყვია, ჩატარებული კვლევის შედეგად საქართველოში ყოველდღიური მოხმარების საგნებისა და ნივთიერებების უმრავლესობაში ნორმაზე მეტი აღმოჩნდა. პირადი მოხმარების ჰიგიენის საშუალებებში - "ნივეაში", "ჩისტაია ლინიასა" და ქართული წარმოების დეოდორანტ "ინჯოიში" - ტყვიის შემცველობა გერმანიის ლაბორატორიული დასკვნის მიხედვით, დასაშვებ ნორმას აღემატება.

ტყვია ერთ ერთია იმ ქიმიურ ჩამონათვალში, რომლებიც ბავშვის ტვინის განვითარებაზე ახდენენ მავნე ზეგავლენას, სწორედ ეს ნივთიერება აღმოჩნდა შამპუნში, შხაპის გელსა და დეოდორანტში, რომლებიც თბილისის სხვადასხვა მაღაზიებში იყიდება.

ჰიგიენის დაცვითი საშუალებები შესაძლოა მომავალში ნეიროგანვითარების ფუნქციების დარღვევებს მიზეზი გახდეს, რაც აუტიზმს, ყურადღების დეფიციტის, ჰიპერაქტივობის სინდრომსა და კითხვის უუნარობას იწვევს.