მიუხედავად ბელარუსის მთელ ტერიტორიაზე არსებული მძიმე სიტუაციისა და მასობრივი დემონსტრაციებისა, ქვეყყნის ცენტრალურმა საარჩევნო კომისიამ ალექსანდრე ლუკაშენკო საპრეზიდენტო არჩევნებში გამარჯვებულ კანდიდატად გამოაცხადა- ამის შესახებ ინფორმაციას ადგილობრივი მედია იუწყება. ხმების საბოლოო დათვლის შედეგად აღმოჩნდა, რომ ლუკაშენკომ ამომრჩეველთა 80.25 %-იანი მხარდაჭერა მიიღო, ხოლო მისმა მთავარმა კონკურენტმა, სვეტლანა ტიხანოვსკაიამ კი 9.9 %.

ბელარუსში 9 აგვისტოს გამართულ საპრეზიდენტო არჩევნებს უნდობლობას უცხადებს ოპოზიცია და მოსახლეობის უდიდესი ნაწილი გაყალბებაზე საუბრობს. მიმდინარე საპროტესტო აქციების დროს 7000-მდე ახალგაზრდა იქნა დაპატიმრებული, ხოლო 2 მათგანი კი შეტაკებების დროს გარდაიცვალა. ქვეყანაში პროფესიულ მოხელეთა მასობრივი გაფიცვა მიდის, როგორც სახელმწიფო დაქვედებარებაში არსებულ კომპანიებსა და საჯარო სექტორშიც.