ევროკომისიის პრეზიდენტი, ურსულა ფონ დერ ლაიენი გამოეხმაურა ბელარუსში მიმდინარე საპროტესტო აქციებს და მოუწოდა ევროკავშირს სანქციები დაუწესოს ხელისუფლების მაღალჩინოსნებს, მათ ვინც დემოკრატიას პატივს არ სცემს.

„უნდა დავაწესოთ დამატებითი სანქციები მათ მიმართ, ვინც ბელარუსში დემოკრატიულ ღირებულებებს პატივს არ სცემს და ადამიანის უფლებებს ლახავს. მე დარწმუნებული ვარ, რომ ევროკავშირის მინისტრების მიერ წარმართული დისკუსია გამოავლენს ჩვენს მკაფიო მხარდაჭერას ბელარუსის ხალხის უფლებების, მათი ფუნდამენტური თავისუფლებისა და დამოკრატიის მიმართ“ - აღნიშნა ტვიტერზე ურსულა ფონ დერ ლაიენმა.