ბელარუსში აქციებისა და მასობრივი დემონსტრაციების შემდეგ ალექსანდრ ლუკაშენკოს ხელისუფლება უკვე ურთულეს მდგომარეობაშია - პროფკავშირული გაერთიანებები აქტიური პროტესტის ფორმაზე გადავიდნენ და უარს აცხადებენ მუშაობაზე.

სოციალურ ქსელ ტელეგრამით ვრცელდება ფოტო-ვიდეო კადრები, სადაც ასახულია ღია სააქციო საზოგადოების, აზოტის ნაერთებისა და სასუქების მწარმოებელი სახელმწიფო კომპანიის თანამშრომელთა ტოტალური გაფიცვა. კადრებში ჩანს თუ როგორ მოუწოდებენ კომპანიაში დასაქმებული პირები პრეზიდენტს თანამდებობის დატოვებისკენ. აღნიშულ საწარმოში დასაქმებულია 7000-ზე მეტი ადამიანი.

გაფიცვას აგრეთვე შეუერთდა მთელს ევროპაში ცნობილი და ძალზე მძლავრი სახელმწიო კომპანია, მინსკის სატრაქტორო ქარხანა. აღნიშნულ „ღია სააქციო საზოგადოებაში“ 15 000-ზე მეტი ადამიანია დასაქმებული. გაფიცვებს აგრეთვე აქტიურად უერთდებიან ბაზრის თანამშრომლები. გავრცელებული ინფორმაციით, მათ რიგებს მინსკის დროით 13:00 საათზე შეუერთდებიან IT-ი სფეროში დასაქმებული პირებიც. აგრეთვე გაფიცულთა შორის არიან მასწავლებლებიცა და ექიმებიც.

ლიეტუვის პრემიერ-მინისტრმა მოუწოდა ევროკავშირს იმსჯელონ სანქციათა პაკეტზე ლუკაშენკოს ხელისუფლების წინააღმდეგ.