კალიფორნიის სამედიცინო უნივერსიტეტის მეცნიერებმა განაცხადეს, რომ ცხვირის სპრეის შეუძლია ადამიანის დაცვის უზრუნველყოფა კორონავირუსით დაინფიცირებისგან, იმაზე ეფექტურადაც კი ვიდრე ამას პირბადე ან სპეც-აღჭურვილობა აკეთებს.

მეცნიერებმა შექმნეს სპეციალური შესასუნთქი აეროზოლური ტიპის მოწინავე ტექნოლოგია, „AERONABS”-ის სახელით, რომლიდანაც გამოყოფილი ორთქლი უნდა შეისუნთქოს ადამიანმა. ექსპერტების აზრით, იქამდე, სანამ ვაქცინა საბოლოოდ არ იქნება მიღებული, აღნიშნული თანამედროვე „აეროზოლი“ ათიათასობით ადამიანს მოკლევადიან პერსპექტივაში დაიცავს ვირუსით ინფიცირებისგან.

AERONABS-ი შეიცავს ნანოსხეულებს, რომლებიც ანტისხეულების მსგავს იმგვარ იმუნურ ცილებს წარმოადგენს, რომლებიც აღმოჩენილია ლამების, აქლემებისა და ალპაკების სისხლში. ნანოსხეულები გამიზნულად იქნა შექმნილი ადრე SARS-COV-2 ვირუსებთან საბრძოლველად. ლაბორატორიულმა კვლევებმა დაადასტურეს, რომ ზემოხსენებულ პატარა ზომის ცილებს, რომლებიც ადამიანის ანტისხეულთა მეოთხედს წარმოადგენს ზომაში, შეუძლია კორონავირუსი დაბლოკოს და არ შეუშვას ადამიანის უჯრედებში.

„AERONABS“-ი ამ დრომდე აქტიურ დაკვირვებებს გადის , რომლის მთავარი მიზანი მისი ეფექტურობის განსაზღვრაა კოვიდ 19-ისგან სრულ დაცვასთან დაკავშირებით. ბიოქიმიკოსმა, პიტერ უოლტერმა აღნიშნა, რომ ზემოხსენებული აეროზოლი ბევრად ეფექტური იქნება ადამიანებისთვის ვიდრე პირბადეების მსგავსი დამცავი საშუალებებით გადაადგილება.