სოციალურ ქსელებში გავრცელდა ატლანტას, პიედმონტის საავადმყოფოსთან მომხდარი შემზარავი ავტოავარიის ამსახველი ვიდეოკადრები. სათვალთვალო კამერის გადაღებულ შოკისმომგვრელ კადრებში აღბეჭდილია ასაკოვანი ქალი, რომელმაც მანქანის მართვაზე კონტროლი დაკარგა, ჯერ უცხო ავტომობილს,ხოლო შემდეგ საავადმყოფოს შესასვლელ კარებს დაეჯახა- დარტყმის ძალამ კი ერთ-ერთი მედიკოსი ადგილზე მოკლა.

75 წლის მერი კლეიტონი პიედმონტის საავადმყოფოში ექიმთან შეხვედრაზე მიდიოდა, რა დროსაც მან უკვე სამედიცინო პუნქტთან თავის ავტომობილის მართვაზე კონტროლი დაკარგა. ინციდენტის შედეგად 55 წლის კიმბერლი ჰოლი გარდაიცვალა, ხოლო საავადმყოფოს 4 თანამშრომელი მძიმედ დაშავდა.

კადრებში აგრეთვე ასახულია სასოწარკვეთილი სამედიცინო პერსონალი, რომელიც ცდილობს კლეიტონის მთელი სისწრაფით მომავალ მანქანას გაექცეს. ორმა მათგანმა ძლივს მოახერხა შეჯახების თავიდან აცილება. ვიდეოში ჩანს თუ როგორ მიანარცხა კარებთან მანქანამ, მეორე კი დარტყმის ძალამ გათიშა და აღნიშული ტრავმები მისთვის სასიკვდილო აღმოჩნდა.

მიუხედავად მომხდარი ფაქტისა, პოლიციამ დაადგინა, რომ ავარია გამიზნულად არ მომხდარა- ქალმა თავის მანქანაზე კონტროლი დაკარგა, თუმცა ესქსპერტიზამ დაასკვნა, რომ ასაკოვანი მძღოლი არც ნარკოტიკული და არც ალკოჰოლური ნივთიერების თრობის ქვეშ არ იმყოფებოდა.