აშშ-ში , ფლორიდის შტატში, მაშინ როდესაც 10 წლის ბავშვი ზუმის ონლაინ კონფერენციას სკოლის გაკვეთილებზე დასასწრებად ჩაერთო, დედამისი ყოფილმა შეყვარებულმა პირდაპირ ეთერში ყველას დასანახად მოკლა.

მარტინის ოლქის შერიფის სამსახურმა განაცხადა, რომ 27 წლის დონალდ ჯეი უილიამსმა 32 წლის ყოფილი შეყვარებული 6 შვილის თვალწინ, მისსავე სახლში ცეცხლსასროლი იარაღიდან გასროლილი ტყვიებით მოკლა. მოკლული მშობლის ერთ-ერთი ქალიშვილი აღნიშნული ტრაგიკული შემთხვევის დროს კი საკლასო გაკვეთილს ვირტუალურად ესწრებოდა , მის ზურგს უკან მიმდინარე სასტიკ მკვლელობას კი მისმა სკოლის მასწავლებელმა და თანაკლასელებმა პირდაპირ ეთერში უყურეს.

მასწავლებლის განცხადებით, მისმა 10 წლის მოსწავლემ, რომელიც ძალადობის შემსწრე გახდა, ყურებზე ხელები აიფარა და ცხარე ცრემლებით ტიროდა გაკვეთილის მიმდინარეობის დროს. პოლიციის თქმით, ცხარე კამათის დროს, როდესაც თავდამსხმელმა ცეცხლი გახსნა, ერთ-ერთი ტყვია მცირეწლოვანი ბავშვის კომპიუტერის ეკრანს მოხვდა, რომლის შემდეგაც მისი ონლაინ გაკვეთილი მოწყობილობის დაზიანების გამო უმალვე შეწყდა.

დეტექტივების თქმით, უილიამსი შემთხვევის ადგილიდან გაიქცა, თუმცა მისი დაკავება მალევე მოახერხეს.