უკანასკნელ დღეებში ბელარუსში განვითარებული ამბების ფონზე საზოგადოებრივი ტელევიზიების თანამშრომლებმა მასობრივად დაიწყეს სამსახურების დატოვება. ამ ფორმით ისინი გამოხატავენ მხარდაჭერას დემონსტრანტების მიმართ და აფიქსირებენ საპროტესტო, ნეგატიურ განწყობას მთავრობის ხელმძღვანელი და ძალოვანი უწყებების მოქმედებების მიმართ.

ბელარუსის სატელევიზიო ეთერისთვის ცნობილი ადამიანები აღმოჩდნენ ის ჟურნალისტები, რომელთაც უარი განაცხადეს საკუთარ სფეროში მუშაობაზე პროტესტის ნიშნად. სახელმწიფო სატელევიზიო არხები „ბელარუს1“ და „ონტ“ საერთო ჯამში 5-მდე ტელეწამყვანმა დატოვა.

„ცოტანი ვართ, მაგრამ მაინც ვართ’’- დაწერა სატელევიზიო არხ „ონტ“-ის წამყვანმა ოლგა ბოგატირევიჩმა. მსგავსი შინაარსის პოსტი გამაოქვეყნა აგრეთვე მოსახლეობისთვის ძალზე ცნობილმა სახემ და სამთავრობო ტელეარხ, ბელარუს 1-ის- ჟურნალისტმა ევგენი პერლინმა- „ რა დაემართა ჩემს ბელარუსს? 2009 წლიდან ვმუშაობ ტელევიზიაში, ჩემი დღევანდელი ეთერი ტელეარხ „ბელარუს 1“-ზე ბოლო იქნება.

შეგახსენებთ, რომ მას შემდეგ რაც არჩევნების შედეგები გამოცხადდა და ალექსანდრ ლუკაშენკოს გამარჯვება ცესკომ დაადასტურა, ქვეყანაში დაიწყო დიდი საპროტესტო გამოსვლები- დემოსნტრანტთა აზრით, არჩევნები ოპოზიციონერმა კანდიდატმა მოიგო, რომელმაც 2 დღის წინ შვილებზე განხორციელებული მუქარის გამო დატოვა ქვეყანა, უარი თქვა აქციების ლიდერობაზე და ლიეტუვაში გაიქცა. უკანასკნელი 3 დღის განმავლობაში მომხდარი შეტაკებებისა და დაპირისპირების შედეგად, ძალოვანებმა 6000-ზე მეტი მომიტინგე დააკავეს, 1000-ზე მეტმა მძიმე დაზიანებები მიიღო, ხოლო 1 კი გარდაიცვალა. შინაგან საქმეთა სამინისტრომ აგრეთვე ოფიციალურად დაადასტურა ლეტალური ტყვიების გამოყენების შესახებ, რომელზეც აღნიშნეს რომ აგრესიულ მომიტინგეთა მისამართ იქნა ნასროლი.