პოლონეთის ერთ-ერთ პატარა ქალაქში არსებულ პატარა ბაზრის მოედანზე ნაპოვნი იქნა 150-მდე ებრაული საფლავის ქვა, რომლებსაც ნაცისტები მეორე მსოფლიო ომის დროს გზების დასაგებად იყენებდნენ. აღნიშნული ფაქტი დაფიქსირდა ქალაქ ლეჟაისკში- სამშენებლო საქმიანობის დროს მუშებმა ასფალტის 20 სანტიმეტრიანი ზედა ფენა იპოვეს, რომელიც, როგორც გაირკვა ძველ ებრაულ ენაზე შესრულებული საფლავის ქვები აღმოჩნდა, რომლითაც გზის ზედაპირი იყო დაფარული.

საერთო ჯამში, დაახლოებით 100-მდე სრულად შენარჩუნებული საფლავის ქვა იქნა აღმოჩენილი, ხოლო 50 რამდენიმე ნაწილად დაფშვნილ მდგოამრეობაში იქნა ნაპოვნი, როგორც ჩანს გერმანელებს გზის მშენებლობის დროს გარკვეული მონაკვეთების შესავებად მათი რამდენიმე ნაწილად დამტვრევა მოუხდათ.

ლეჟაისკი გერმანელებმა მალევე დაიპყრეს მას შემდეგ, რაც მეორე მსოფლიო ომი ოფიციალურად 1939 წლის პირველ სექტემბერს ნაცისტების პოლონეთზე თავდასხმით დაიწყო. ქალაქის ებრაელი მოსახლეობის უდიდესი უმრავლესობა გაძევებულ იქნა საბჭოთა საოკუპაციო ზონაში, რომელიც დასახლებული პუნქტიდან 11 კილომეტრში იყო. 350-მდე ებრაელი კი ქალაქში მოწყობილ გეტოებში განათავსეს 1941 წელს- მრავალი მათგანი ადგილობრივ სასაფლაოზე მოკლეს.

გერმანალებმა გადაწყვიტეს, რომ ბაზრის მოედანი ადგილობრივი სინაგოგის აგურებით მოეპირკეთებინათ- ებრაული რელიგიური წმინდა სახლი ნაცისტებმა დაანგრიეს. როდესაც აგურები გამოელიათ, გერმანელებმა გადაწყვიტეს ებრაელთა საფლავის ქვებით მოეწყოთ ბაზრის მოედნის საფეხვმავლო გზა.