ამერიკის შეერთებული შტატების ალერგიისა და ინფექციური დაავადებების ეროვნული ინსტიტუტის ხელმძღვანელმა და მთავარმა ეპიდემიოლოგმა ენტონი ფაუჩიმ კორონავირუსის საწინააღმდეგო რუსული ვაქცინის ეფექტურობასა და ქმედუნარიანობაში ეჭვი შეიტანა. მისი თქმით, აუცილებელია, რომ ე.წ რუსულმა კოვიდ 19-ის საწინააღმდეგო ვაქცინამ დააკმაყოფილოს დადგენილი შესაბამისი ნორმები და სტანდარტები, რისი დამტკიცება მხოლოდ სირღმისეული გამოკვლევებითა და ანალიზებით ხდება.

„ვაქცინის შექმნა და დამტკიცება, რომ მედიკამენტი უსაფრთხო და ეფექტურია ორი სხვადასხვა რამ არის. ჩვენ 10-მდე ვაქცინა გვაქვს, მაგრამ თუ გვინდა, რომ ადამიანებს ზიანი მივაყენოთ, ან ისეთი რამ გავუკეთოთ, რაც არ იმოქმედებს, შეგვიძლია, ამის გაკეთება ხვალვე დავიწყოთ. კარგია თუ რუსებმა საბოლოოდ დაამტკიცეს ამ ვაქცინის ეფექტურობა და უსაფრთხოება, მაგრამ ამაში დიდი ეჭვი მეპარება“ - აღნიშნა ენტონი ფაუჩიმ.

შეგახსენებთ, რომ 11 აგვისტოს რუსეთის პრეზიდენტმა, ვლადიმირ პუტინმა საჯაროდ განაცხადა პირველი ოფიციალური ვაქცინის შექმნის შესახებ, რომლითაც მისი ქალიშვილი აიცრა. რუსეთში ვარაუდობენ, რომ აღნიშნულ რუსულ ვაქცინაზე მოთხოვნა მთელი მსოფლიოდან გაიზრდება. რუსეთის ჯანმრთელობის უწყების განცხადებით, პრეპარატი ფართო მასებისთვის ხელმისაწვდომი უკვე იანვრის თვიდან იქნება