საქართველოს პრემიერ-მინისტრმა, გიორგი გახარიამ, უწყებათაშორისი საკოორდინაციო საბჭოს სხდომაზე, მესტიაში ეპიდემიოლოგიურ ვითარებაზე ისაუბრა.

მან განმარტა, რომ დღის ბოლომდე გამოჩნდება სრული სურათი, თუ რა ეპიდვითარებაა სვანეთში.

"გამოდის, რომ მესტიაში ვირუსის აფეთქებას, ალბათ, მივუსწარით, თუმცა სრულად სურათი ჯერ კიდევ არ გვაქვს. მე როგორც ვიცი, 1 000 ტესტია ჩამოტანილი, რომლის პასუხებიც ჯერ არ ვიცით, თუმცა ამ 1 000 ნიმუშის გარეშე ინფიცირების 14 შემთხვევა გვაქვს. დღის ბოლომდე გვეცოდინება ამ 1 000 ტესტის შედეგებიც და გვექნება საბოლოო სურათი, რა ხდება სვანეთში", - აღნიშნა გახარიამ.