KAVKAZCENTER-ის ინფორმაციით, კრემლის შიდა წყაროებიდან არსებობს ფაქტები, რომელიც ადასტურებს რუსეთის კერძო გასამხედროებული ელიტარული სპეცმომზადების მქონე ვაგნერის ჯარისკაცების ჩართულობასა და მონაწილეობას ბელორუსში მიმდინარე ანტისამთავრობო პროტესტების ჩახშობაში.

სტატიაში აღნიშნულია, რომ მათი მიზანი არის „სისხლის დაღვრა“ და ქაოსის შექმნა ქვეყანაში, რომლის ფონზეც რუსეთი თავის „ძმურ ერს“ დახმარებას აღმოუჩენს.

შეგახსენებთ, რომ განსაკუთრებული დაპირისპირება ქვეყანაში 10 აგვისტოს დაიწყო, როდესაც მოსახლეობის დიდი ნაწილი ბოიკოტს უცხადებდა ხელისუფლების მიერ ჩატარებულ არჩევნებს და გაყალბებულს უწოდებდა ხმის დათვლის პროცესს.

ინტერნეტში გავრცელდა კადრები, სადაც ასახულნი არიან სპეცრაზმელები, რომელთაც მკერდზე რუსული დროშის აღმნიშვნელი სამაგრები აქვთ.