ყაზბეგში, ლარსის გამშვები პუნქტზე, საზღვრის დაცვის ხუთ თანამშრომელს კორონავირუსი დაუდგინდა.

დაავადებათა კონტროლის ცენტრის ხელმძღვანელის, ამირან გამყრელიძის ცნობით, ყაზბეგში ინფიცირებულები, 11 აგვისტოს გამოვლენილ 14 ახალ შემთხვევას შორის არიან.

"მიმდინარეობს გაფართოვებული კვლევა კონტაქტების გამოსავლენად", - ამბობს ამირან გამყრელიძე.

სამთავრობო ვებგვერდ StopCov.ge-ს მონაცემებით, 11 აგვისტოსთვის საქართველოში კორონავირუსით ინფიცირების 14 ახალი შემთხვევა გამოვლინდა.