მესტიის მუნიციპალიტეტში მყოფ ტურისტებს საკარანტინო სივრცეებში გადაიყვანენ.

უწყებათაშორის საკოორდინაციო საბჭოსთან არსებული საოპერაციო შტაბის უფროსის ალექსანდრე ხოჯევანიშვილის თქმით, სავალდებულო კარანტინის გავლა ასევე მოუწევს ყველა მოქალაქეს, ვინც მესტიის მუნიციპალიტეტს დატოვებს.

„კორონავირუსის ფართოდ გავრცელების თვიდან აცილების მიზნით, შესაბამისი უწყებები მესტიის მუნიციპალიტეტის ყველა დასახლებიდან ტურისტების საკარანტინო ზონებში განთავსებას უზრუნველყოფენ. ყველა მოქალაქე, რომელიც დატოვებს მესტიის მუნიციპალიტეტს, გაივლის სავალდებულო კარანტინს. ადგილზე შექმნილია რეგიონალური შტაბი, რომელიც უზრუნველყოფს ადგილობრივი მოსახლეობის დახმარებას და უწყებების კოორდინირებულ ქმედებებს“, - განაცხადა ხოჯევანიშვილმა.

მთავრობა იმ მოქალაქეებს მიმართავს, რომლებიც ბოლო 2 კვირის განმავლობაში უშგულში, დაბა მესტიასა და ლენჯერში იმყოფებოდნენ და მოუწოდა, სიმპტომების გამოვლენის შემთხვევაში ტესტირების მიზნით ცხელების ცენტრებს მიმართონ.