ბელარუსში საპრეზიდენტო არჩევნები მიმდინარეობს. პრეზიდენტობისთვის ხუთი კანდიდატი იბრძვის. მათ შორის, მოქმედი პრეზიდენტი, 65 წლის ალექსანდრ ლუკაშენკო, რომელიც გამარჯვების შემთხვევაში პოსტს მეექვსე ვადით დაიკავებს.

მისი ერთერთი მთავარი მეტოქეა სვეტლანა ციხანოვსკაია, ცნობილი ბლოგერისა და დაპატიმრებული აქტივისტის, სერგეი ციხანოვსკის მეუღლე, რომელიც საარჩევნო ბრძოლაში სწორედ სერგეი ციხანოვსკის დაკავების შემდეგ ჩაერთო.

ბოლო რამდენიმე კვირის განმავლობაში მინსკში სვეტლანა ციხანოვსკაიას მხარდამჭერი მასშტაბური აქციები იმართებოდა.

ბელორუსში წინასწარი ხმის მიცემის წესი მოქმედებს და გავრცელებული ინფორმაციით 7-8 აგვისტოს ხმა მოსახლეობის 1/3-მა უკვე მისცა.