3000 სამხედრო მოსამსახურე და 800 ერთეული სამხედრო ტექნიკა - რუსეთი ბელორუსის საზღვართან "კუნთებს ათამაშებს"

მსოფლიო - 16:14, 06 Aug, 2020

2504

რუსეთის თავდაცვს სამინისტრომ რუსეთ-ბელორუსის საზღვართან 3000 სამხედრო მოსამსახურე და 800 ერთეული სამხედრო ტექნიკა განათავსა, რითიც ფაქტიურად კონტროლის ქვეშ აიყვანა ორ ქვეყანას შორის არსებული საზღვარი. ოფიციალური ინფორმაციით, რუსეთის არმიის ეს ქვედანაყოფი "ტაქტიკურ სწავლებას ახორციელებს".

როგრიც ჩანს, რუსეთს ამ სამხედრო აქციით ბელორუსის დაშინება სურს და ზუსტად იმეორებს 2008 წელს საქართველოსთან ომის წინ განხორციელებულ ქმედებებს.

რუსულ პრესაში ვრცელდება ინფორმაცია, რომ ეს "სწავლებები" ქვეყნის თავდაცვის უწყებამ მას შწემდეგ დაგეგმა, რაც ბელორუსმა რუსეთის საზღვართან რამდენიმე БТР-ი გადაიყვანა.

რუსეთსა და ბელორუსს შორის ურთიერთობა მას შემდეგ დაიძაბა, რაც მინსკში რუსეთის სამხედრო დაჯგუფება "ვაგნერის" 33 წევრი დააკავეს. შეგახსენებთ ამ დაჯგუფების ბოევიკები აქტიურად მონაწილეობდნენ სამხედრო მოქმედებებში უკრაინის, სირიისა და აზიის ზოგიერთ ქვეყანის ტერიტორიაზე რუსეთის ინტერესებოს დასაცავად.

ასევე ვრცელდება ინფორმაცია, რომ ბელორუსი აპირებს დააკმაყოფილოს უკრაინის მოთხოვნა და 28 ბოევიკს კიევს გადასცემს.