2020 წლის 1-ელ მაისამდე საქართველოს ტერიტორიაზე შემოყვანილ სატრანსპორტო საშუალებებს განბაჟების ვადა 2020 წლის 1-ელ სექტემბრამდე გაუხანგრძლივდათ. ამის შესახებ ინფორმაციას შინაგან საქმეთა სამინიტროს მომსახურების სააგენტო ავრცელებს.

ოფიციალური ინფორმაციით, გადაწყვეტილება კორონავირუსის გავრცელების პრევენციული ღონისძიებებიდან გამომდინარე, საქართველოს მთავრობის უწყებათაშორისი საკოორდინაციო საბჭოს რეკომენდაციების გათვალისწინებით და ფინანსთა სამინისტრომ მიიღო.

"მომსახურების სააგენტო მოქალაქეებს, რომლებსაც სატრანსპორტო საშუალებები შემოყვანილი ჰყავთ 2020 წლის პირველ მაისამდე, მოუწოდებს რიგისა და საჯარიმო სანქციების თავიდან აცილების მიზნით, დროულად მიმართონ მომსახურების სააგენტოს და 31 აგვისტოს ჩათვლით განახორციელონ საბაჟო პროცედურები", -არნიშნულია განცხადებაში.