ახალგაზრდა პროგრამისტის ბურუსით მოცული საქმე - თამარ ბაჩალიაშვილის ფსიქოლოგის ვინაობა ცნობილია .

გოგონას ფსიქოლოგი ქეთევან კობალაძე იყო. იგი იმ დღესვე დაიკითხა, როდესაც თეთრიწყაროში თამარ ბაჩალიაშვილის ცხედარი იპოვეს.

ქეთევან კობალაძე პენიტენციური დაწესებულების ბავშვთა ფსიქოლოგად მუშაობდა. ის რამდენიმე წლის წინ ია ანთაძის სამოქალაქო განვითარების ინსტიტუტთანაც თანამშრომლობდა.

კობალაძე ამბობს, რომ გამოძიებას უამრავი კითხვა ჰქონდა და მან ყველას გასცა პასუხი.

"დოკუმენტურად არის დადასტურებული, ჩაწერილი, მე ხელი მოვაწერე ყველა პასუხზე, რაც გავეცი და როგორც გავეცი, ყველა კითხვაზე არსებობს პასუხი", - თქვა ფსიქოლოგმა.