საფრანგეთში ორი შვილის მამა ბეისბოლის ხელკეტებით სცემეს და უგონო მდგომარეობაში ჩააგდეს მას შემდეგ, რაც მან სამრეცხაოში შემოსულ კლიენტებს სთხოვა, რომ დაეცვათ კორონავირუსის ფონზე არსებული სავალდებულო ინსტრუქციები და პირბადეები გაეკეთებინათ.

სიკვდილს გადარჩენილმა სამრეცხაოს თანამშრომელმა მედიასთან საუბრის დროს განაცხადა- „ მე ვთხოვე სამრეცხაოში შემოშულ კლიენტს, გაეკეთებინა პირბადე, მაგრამ მან უარი განაცხადა, რის შემდეგაც სიტყვიერი კამათი წამოიჭრა, რამდენიმე წუთში კი იგი თავის მეგობრებთან ერთად დაბრუნდა, რომლებიც ბეისბოლის ჯოხების გამოყენების სიკვდილით მემუქრებოდნენ“.

დაზარალებულის თქმით, მას ბეისბოლის ბიტებით ურტყამდნენ- „ისინი აგრძელებდნენ შეუჩერებლად ჩემზე თავდასხმას, რომლის ფონზეც რამდენიმე წუთით გავითიშე“. მედიაში გამოქვეყნდა სათვალთვალო კამერით გადაღებული ვიდეო, სადაც ასახულია თუ როგორ ურტყამენ უკვე გათიშულ აუგუსტინს ბოროტმოქმედები. აღნიშნული თავდასხმის ფონზე მას უმძიმესი დაზიანებები აღმოაჩნდა სხეულზე-მიიღო ტვინის შერყევა და მძიმე სისხლჩაქცევები მხრისა და ფეხის არეში.