ავღანეთის ქალაქ ჯალალაბადში შეიარაღებული პირები შეიჭრნენ ციხეში და ცეცხლი გახსნეს, რასაც არაერთი ადამიანის მძიმე დაჭრა და გარდაცვალება მოჰყვა. დაუდასტურებული ინფორმაციით, სროლას ავღანურ უსაფრთხოების ძალებსა და თავადმსხმელებს შორის 21 ადამიანის სიცოცხლე შეეწირა. აღნიშულ ტერაქტზე პასუხისმგებლობა ISIS-მა აიღო.

დაღუპულთა შორის არიან ციხის პატიმრები, სამოქალაქო პირები, ციხის დაცვა და ავღანეთის პოლიციელთა დანაყოფის წევრები. ორმხრივი სროლის შედეგად დაჭრილთა რაოდენობა ბოლო მონაცემებით შეადგენს 43 ადამიანს. სამართალდამცავთა თქმით, მათ 3 თავდამსხმელის ნეიტრალიზება შეძლეს. აღნიშნულ შემთხვევას მოჰყვა აგრეთვე 1000-ზე მეტი პატიმრის გაქცევა, რომელთა უმრავლესობა ხელახლა დააბრუნეს ციხეებში.