აშშ-ის, დიდი ბრიტანეთის, კანადისა და ახალი ზელანდიის 1000-მა მოქალაქემ ფოსტის მეშვეობით უცნაური პაკეტები მიიღო, რომლებში პოლიეთილიენის პაკეტებში მოთავსებული თეთრი ან შავი ფერის თესლი იყო. პაკეტზე მიმღების ზუსტი მისამართია მითითებული, ეტიკეტზე აწერია "ბიჟუტერია", ან "სათამაშოები" და ჩინეთის საფოსტო მარკა აქვს დაკრული.

აშშ-ში ასეთი პაკეტი 600-ზე მეტმა ადამიანმა მიიღო, ერთერთმა - სამიც კი ერთი კვირის განმავლობაში.

აშშ-ის სოფლის მეურნეობის სამინისტრომ გაავრცელა გაფრთხილება, რომ ამგვარი პაკეტის მიმღებებმა არ დათესონ თესლი და მეტიც, სასწრაფოდ გაანადგურონ ის.

თუმცა, გაფრთხლების მიუხედავად, ერთერთმა ქალბატონმა მაინც დათესა თესლი, მაგრამ მისი თქმით, არაფერი ამოვიდა.

აშშ-სა და დიდი ბრიტანეთის სამართალდამცავებნმა ამ ფაქტზე ერთობლივი გამოძება დაიწყეს. საქმეში ჩინეთის ხელისუფლებაც ჩაერთო, რომელმაც განაცხადა, რომ პაკეტებზე დაკრული მარკები ყალბია და აშშ-ის საფოსტო სამსახურს სთხოვა, რამდენიმე პაკეტი ჩინეთში დააბრუნოს, რათა მან დამოუკიდებელი გამოძიება აწარმოოს.