7 წლის გერმანული ნაგაზი, სახელად ბადი ნიუ-იორკში გარდაიცვალა კორონავირუსთან 3 თვიანი ბრძოლის შემდეგ, ორმა ვეტერინარმა, რომლებმაც ბადის არ უმკურნალეს, თუმცა NATIONAL GEOGRAPHIC-ს მისცეს ინტერვიუ, განაცხადეს, რომ ძაღლს დიდი ალბათობით ჰქონდა კიბო.

ამ დრომდე უცნობია ბადის სიკვდილი გამომდინარეობდა თუ არა კოვიდ 19-იდან, თუ ლიმფომას სიმსივნიდან. ძაღლის პატრონი, რობერტ მაჰონი კორონავირუსით დაავადდა ადრეულ გაზაფხულზე, ხოლო ძაღლს კი უკვე ზემოხსენებულ ინფექციასთან დაკავშირებული სიმპტომები აღმოაჩნდა აპრილში. მაისში გერმანულ ნაგაზს ჩაუტარეს გამოკვლევა და ტესტმა დაადასტურა, რომ მას კორონავირუსი უფიქსირდება.

ძაღლის მდგომარეობა თანდათანობით სულ უფრო მძიმდებოდა- ყოველდღიურად უარესდებოდა მისი რესპირატორული სიმპტომები. რობერტ მაჰონის მეუღლის განცხადებით, 11 ივლისს მან დააფიქსირა, თუ როგორ აღებინებდა ბადი შედედებულ სისხლს. მისი თქმით, როგორც ჩანს, შეუქცევადი პროცესი მიმდინარეობდა, რაც გამორიცხავდა ძაღლის გამოჯანმრთელებას. აღნიშნული შემთხვევა პირველია, როდესაც ცხოველის გარდაცვალების გამოწვევ თითქმის ოფიციალურ ვერსიად დასტურდება კორონავირუსი.

საერთო ჯამში, აშშ-ში 12 ძაღლი, 10 კატა, ვეფხვი და ლომი დაინფიცირდნენ კორონავირუსისგან.