დონალდ ტრამპმა საპრეზიდენტო არჩევნების გადადების იდეა წამოჭრა

მსოფლიო - 17:08, 30 Jul, 2020

1771

დონალდ ტრამპმა აშშ-ის საპრეზიდენტო არჩევნების გადადების იდეა წამოჭრა, რადგან მიიჩნევს, რომ ფოსტის მეშვეობით ხმის მიცემა არჩევნების გაყალბების შანსს იძლევა. ამის დასადასტურებლად მან ვიდეოც გაავრცელა.

"2020 წლის უნივერსალური ხმის მიცემა ფოსტის საშუალებით, უბნებთან გამოცხადების გარეშე იქნება ყველაზე მცდარი, არაზუსტი და გაიძვერული არჩევნები ამერიკის ისტორიაში. ეს იქნება ყველაზე დიდი იმედგაცრუება და შერცხვენა ამერიკისთვის. ხომ არ გადავდოთ არჩევნები მანამ სანამ ხალხი სათანადოდ, მშვიდად და უსაფრთხოდ შეძლებს ხმის მიცემას?" - აღნიშნა ტრამპმა ტვიტერის საკუთარ გვერდზე.

შეგახსენებთ, რომ აქტიურად განიხილება აშშ-ში საფოსტო გზავნილებით ხმის მიცემა 3 ნოემბრის საპრეზიდენტო არჩევნებისთვის. აღნიშნული მექანიზმი მიუღებელია რესპუბლიკელთა პარტიის ლიდერისთვის. ტრამპმა საკუთარ გვერდზე გამოაქვეყნა ფოსტით ხმის მიცემის ექსპერიმენტული ვიდეო, სადაც მთავარ პრობლემად გამოიკვეთა ის ფაქტი, რომ კონვერტით გაგზავნილი ბიულეტენის უმრავლესობა იკარგება . უმნიშვნელოვანესი პრობლემაა აგრეთვე ადრესატამდე დროულად მისვლა ბიულეტენებისა, რომელიც ამ შემთხვევაში ვერ მოხდება, რადგან ექსპერიმენტით დადასტურდა, რომ ამ პროცედურას მინიმუმ 6-იდან 7 დღემდე სჭირდება, რაც არჩევნების სრულ პარალიზებას მოახდენს.