ეგვიპტემ სირიაში ასადის რეჟიმის მხარდასაჭერად 150 ჯარისკაცი გაგზავნა-ამის შესახებ ინფორმაციას თურქული სააგენტო, ANADOLU სამხედრო წყაროებზე დაყრდნობით ავრცელებს. სანდო სამხედრო წყაროების ინფორმაციის საფუძველზე დგინდება, რომ სამხედროები გაგზავნილ იქნა ალეპოს რეგიონში, იდლიბის ტერიტორიაზე, სადაც მოხდება მათი კოოპერატიული თანამშრომლობა ჰამას სამხედრო აეროდრომზე ირანის რევოლუციის გუშაგთა კორპუსის წევრებთან ერთად.

გავრცელებული ინფორმაციით, ეგვიპტელი ჯარისკაცები მსუბუქი შეიარაღებით განლაგებულნი არიან ირანის მიერ მხარდაჭერილი ტერორისტების ფრონტის ხაზზე, სადაც ისინი უპირისპირდებიან სირიის ზომიერი ოპოზიციის სხვადასხვა გასამხედროებულ დაჯგუფებებს.