ბრიტანულმა ოჯახმა, რომელიც საფრანგეთში მანქანით დასასვენებლად მიემართებოდა, საბარგულში დამალული ორი მიგრანტი იპოვა. ამის შესახებ ბრიტანული მედია წერს. მას შემდეგ რაც ოჯახის წევრებს ბაგაჟიდან ადამიანთა საუბრის ხმა შემოესმათ, მანქანა ტექნიკური უზრუნველყოფის სადგურთან გააჩერეს ჩრდილოეთ საფრანგეთში, ნორმანდიაში.

საბარგულის გახსნის შემდეგ, თითოეული მათგანი შოკირებული იყო, რადგან აღმოაჩინეს ფერადკანიანი ახალგაზრდები. აღნიშნული ფაქტის ამსახველი ვიდეო ინტერნეტში განათავსეს. სამართალდამცავთა თქმით, ერიტრეასა და გვინეის 16 წლის მოქალაქეებმა აღნიშნული ქმედება ჩაიდინეს იმის გამო, რომ ბრიტანელ ოჯახს მათთვის ფარულად გაყოლოდნენ გაერთიანებულ სამეფოში. გავრცელებული ინფორმაციით, მათ სწორედ მაშინ აღმოაჩინეს ფერადკანიანი მიგრანტები, როდესაც თავიანთი დანიშნულებისკენ გადაადგილდებოდნენ. არალეგალები საფრანგეთის პოლიციამ დააპატიმრა, თუმცა მალევე გამოუშვა.

ბრიტანელმა ტურისტებმა პოლიციას განუცხადეს, რომ ისინი საფრანგეთში ლა-მანშის გვირაბით შემოვიდნენ და ქალეიში გაათიეს ღამე-სავარაუდოდ, სწორედ ამ ტერიტორიაზე მოხდა მიგრანტთა მანქანის სათავსოში შესვლა. წყვილმა პოლიციაში საჩივარი შეიტანა ქურდობაზე, რადგან ნივთები, რომლებიც მანქანის ზედა საბარგულში იყო, უკვე მოეპარათ არალეგალ ახალგაზრდებს.