CNN-ი აქვეყნებს სტატიას, სადაც საუბარია იმ მძიმე გართულებებსა და შედეგებზე რასაც კორონავირუსი იწვევს, რომელსაც მედიკოსთა და ექსპერტთა მხრიდან სათანადო ყურადღება არ ეთმობა. სტატიაში გაცხადებულია, რომ ყველაზე დამაბნეველი ასპექტი ახალი კორონავირუსისა გახლავთ ის, თუ რამდენ და რომელ ორგანოზე მოქმედებს დაავადება. საზოგადოებისთვის ცხადია, რომ გულის, ფილტვებისა და რესპირატორული სიმპტომები ახლავს თან კოვიდ 19-ს, თუმცა განსაკუთრებით საყურადღებაო ვირუსის გავლენა ადამიანთა ნერვულ სისტემაზე.

აპრილის ანგარიშში ნათქვამი იყო, რომ 214 ინფიცირებულიდან მესამედს აღენიშნებოდათ ნეუროლოგიური გართულებები- გემოს დაკარგვიდან- ინსულტამდე. მეცნიერთა დასკვნით, ვირუსს პაციენტთა მკურნალობის განმავლობაში თან სდევს ისეთი გართულებები, როგორიცაა ბოდვა, ტვინის ანთება, ინსულტი და ნერვული დაზიანებები.

ლონდონის უნივერსიტეტის კოლეჯმა ივლისის თვეში გამოაქვეყნა კვლევა, რომლითაც დგინდება, რომ მძიმე მდგომარეობაში მყოფი 43-იდან 10 პაციენტს კოვიდინფიცირების დროს აღენიშნებოდა „ტვინის დროებითი დისფუნქცია“ და ბოდვა , 12-ს ტვინის ანთება, 8-ს ინსულტი, ხოლო დანარჩენ 8-ს ნერვული დაზიანებები.

მეცნიერთა თქმით, ჯერ კიდევ არ არის ცნობილი, თუ რა დონეზე აზიანებს ტვინსა და მის უჯრედებს კორონავირუსი და რა კვალი შეიძლება დაუტოვოს მან მკურნალობის პროცესში ადამიანებს.