ავსტრალიაში მძიმე ემოციურ ფონსა და დეპრესიულ მდგომარეობაში მყოფმა 48 წლის მამაკაცმა სასამართლოს წინაშე აღიარა, რომ მის მიერ შვილიშვილის 6 წამიან შენჯღრევას 3 თვის ახალშობილის გარდაცვალება მოჰყვა.

ABC-ის ინფორმაციით, უეინ ვილიამ დაუნინგი ტრაგიკული შემთხვევის დღეს ბავშვზე ზრუნავდა და იმისათვის რათა ახალშობილს დასძინებოდა, იგი შეარხია, რაც მისთვის სასიკვდილო აღმოჩნდა. პროკურორმა კეტრინ რობინსონმა მოსამართლეს განუცხადა, რომ დაუნინგს ტახტზე ეძინა მაშინ, როდესაც პატარა ნოამ ტირილით გაიღვიძა.

„ როგორც კი მე იგი დავაწვინე, უკვე გავაცნობიერე რაც ჩავიდინე, უბრალოდ ვცდილობდი მის დაძინებას, რადგან მეც ძალზე მეძინებოდა“ - განუცხადა დაუნინგმა სასამართლოს.

ბავშვი 5 საათის შემდეგ აღმოაჩინა დედამ, რომ უკვე იგი უგონო მდგომარეობაში იმყოფებოდა. ნოაზე დაუნინგი და მისი და ზრუნავდნენ, რადგან ბავშვის დედა ნარკოდამოკიდებული იყო. სიკვდილის შემდგომი გამოკვლევების შედეგად დადგინდა, რომ ახალშობილმა განიცადა ტვინის, თვალების და ზურგის ტვინის ფართო დაზიანება შენჯღრევის დროს.

დაუნინგმა სასამართლოს მისწერა: „ჩემმა მღელვარებამ, შფოთვამ და დეპრესიამ მშთანთქა. არააქ მნიშვნელობა რა განაჩენს გამომიტანთ, მე სამუდამოდ უნდა გადავიხადო ფასი ამ ამბისთვის. მე მას ვერასოდეს გადავლახავ“.