Youtube-მა რუსული ტელევიზია Tsargrad TV-სა და მისი ყოფილი რედაქტორის,ალექსანდრ დუგინის ოფიციალური გვერდი გააუქმა.

GOOGLE-მა ოფიციალურ განცხადებაში აღნიშნა, რომ ზემოხსენებული პიროვნების ანგარიში სავაჭრო რეგულაციებისა და სანქციების გამო დაიბლოკა. საერთო ჯამში, გვერდის მილიონზე მეტი გამომწერი ჰყავდა.

შეგახსენებთ, რომ დუგინი რუსეთის პრეზიდენტისა და კრემლის იმპერიალისტური პოლიტიკის აქტიური მხარდამჭერი და პროპაგანდისტია. იგი „ევრაზიული მოძრაობის“ ერთ-ერთი მთავარი იდეოლოგია. ინტერნეტში ფართოდაა გავრცელებული მისი მოწოდებები რუსეთის ხელისუფლების მისამართით, რათა თბილისი დაეპყროთ და პრორუსული მთავრობა მოეყვანათ საქართველოში.