მალაიზიის სოფლის მეურნეობისა და საკვები ინდუსტრიის მინისტრის მოადგილის, ჩე აბდულა მათ ნავის თქმით, 2020 წლის 26 ივლისს მალაიზიის წყლებში, ცამეტი უცხოური წარმომავლობის თევზმჭერი ხომალდი ჩაძირეს.

მთავრობის მაღალჩინოსნის განცხადებით, უცხოური თევზსაჭერი მცურავი საშუალებების შემოჭრა ქვეყნის აღნიშნულ ტერიტორიულ წყლებში სამინისტროსთვის მნიშვნელოვან პრობლემას წარმოადგენს, რომელსაც ძალზე ნეგატიური გავლენა გააჩნია მალაიზიის თევზის მრეწველობაზე- ამის ფონზე კი ეკონომიკური დანაკარგი ყოველწლიურად შეადგენს 1.4 მილიარდ დოლარს. „ნავების ჩაძირვა წარმაოდგენს ერთგვარ გაფრთხილებას უცხოელი მეთევზეებისთვის, არ შემოიჭრან მალაიზიის ტერიტორიულ წყლებში“ - აცხადებენ სოფლის მეურნეობის სამინისტროში.

მალაიზიის სახელმწიფო განკარგულების თანახმად, უკანონო თევზჭერა ისჯება ჯარიმით, რომლის ოდენობა 1 მილიონ $-ს აღემატება.