აზერბაიჯანის თავდაცვის სამინისტრო საკუთარ ოფიციალურ ვებგვერდზე აქვეყნებს განცხადებას, რომელშიც ნათქვამია, რომ ოფიციალურ ანკარასა და ბაქოს შორის არსებული სამხედრო თანამშრომლობის ფარგლებში გაფორმებული შეთანხმების საფუძველზე ჩატარდება აზერბაიჯანული და თურქული შეიარაღებული ძალების ფართომასშტაბიანი ერთობლივი სამხედრო სწავლება, რომელშიც ორივე ქვეყნის სახმელეთო და საჰაერო ძალები მიიღებენ აქტიურ მონაწილეობას.

გავრცელებული ინფორმაციით, ერთობლივ წვრთნებში ჩართული იქნებიან ქვეითი სამხედროები, ჯავშანტექნიკა, საარტილერიო დანადგარები და ნაღმტყორცნები, აგრეთვე საბრძოლო თვითმფრინავები და ანტისაჰაერო სისტემები. სახმელეთო ძალების სწავლება გაიმართება ბაქოსა და ნახიჩევანსა და ბაქოში 1-იდან 5 აგვისტოს ჩათვლით, ხოლო სხვადასხვა საავიაციო ტექნიკის აქტიურ გამოყენებას წვრთნების სვლელობისას ადგილი ექნება 29 ივლისიდან 10 აგვისტოს ჩათვლით. საფრენი აპარატების მოქმედების არეალი იქნება ბაქო, ნახიჩევანი, განჯა, ქურდამირი და იევლახი.

შეგახსენებთ, რომ უკანასკნელ პერიოდში განსაკუთრებით მძიმე ვითარებაა აზერბაიჯანის თოვუზისა და სომხეთის თავუშის რეგიონებში, სადაც ამ დრომდე შეზღუდული ჩართულობით მიმდინარეობს შეტაკებები ორი ქვეყნის შეიარაღებულ ძალებს შორის. აღნიშნული სწავლება კი ერთგვარი მუქარის ნაბიჯია ოფიციალური ერევანისთვის, რომ კონფლიქტის გაღვივების შემთხვევაში თურქეთი სრულად დაუჭერს მხარს აზერბაიჯანის სამხედრო მიზნებს- ამის შესახებ კი არაერთხელ საჯაროდ განაცხადა თურქეთის თავდაცვის მინისტრმა, ჰულუსი აკარმა.