ახალ ზელანდიაში წარმოშობით სამოელი ბელადი დააკავეს, რომელსაც ბრალად ედება ტრეფიკინგი- იგი თავის 13 თანამემამულეს მონობას აიძულებდა 25 წლის განმავლობაში.

65 წლის ჯოზეფ აუგა მატამატა, რომელიც ცნობილია, როგორც ვილიამუ სამუ, დამნაშავედ სცნეს ტრეფიკინგის 10 და მონობით ვაჭრობის 13 შემთხვევაში. სასამართლოს გადაწყვეტილებით, მატამატას კომპენსაციის ფარგლებში დააკისრებენ 120 000 $-ის გადახდას მსხვერპლთათვის.

გავრცელებული ინფორმაციით, მამაკაცმა დანაშაულებრივი ქმედებების განხორციელება 1994 წლის აპრილიდან დაიწყო. მსხვერპლთა შორის 13-ივე სამოას სხვადასხვა სოფლიდან და კუნძულიდან იყო. ყველაზე ახალგაზრდა „მონა“, რომელიც ემსახურებოდა ბელადს გახლდათ 12 წლის ბიჭი.

13-ივე მსხვერპლმა სასამართლოში მტკიცებულებები წარადგინეს და აღნიშნეს, რომ ისინი ხელფასის გარეშე მუშაობდნენ და ასრულებდნენ თავიან ყოველდღიურ დაისრებულ რუტინულ დავალებებს. მათ არ ჰქონდათ სახლის ტერიტორიის დატოვებული უფლება, აგრეთვე არ შეეძლოთ ვინმეს გამოლაპარაკებოდნენ სამსახურში ან სახლში, აგრეთვე ეკრძალებოდათ ოჯახის წევრებთან კომუნიკაციაც. სამოელ მონათმფლობელს 11 წლიანი პატიმრობა შეუფარდა სასამართლომ.