ინდოეთში კორონავირუსის გავრცელება უკონტროლოა, ინფიცირებულთარეკორდული მაჩვენებელი აღინიშნა უკანასკნელი 24 საათის განმავლობაში- 50 000-მდე ადამიანი კოვიდ 19-ით დაავადდა, ხოლო 708 მათგანი კი გარდაიცვალა. საერთო ჯამში დაღუპულთა რიცხვი 32 771-ს აღწევს.

საერთო ჯამში, სულ 16 428 841 შემთხვევაა აღნიშნული, რომელთაგან 652 343 ფატალური აღმოჩნდა. დიდია აგრეთვე განკურნებულთა რიცხვი და ის ამ დროისთვის 10 000 000-ზე მეტია. სხვადასხვა ქვეყანაში კორონავირუსით ინფიცირებულ კრიტიკულ პაციენტთა რიცხვი ამ დროისთვის 66 229-აა- მათი აბსოლუტური უმრავლესობა ხელოვნური სუნთქვის აპარატზეა მიერთებული და გონზე არაა.

მძიმეა აგრეთვე მდგომარეობა აშშ-ში, სადაც უკანასკნელი ინფორმაციით, 2 131 861 პაციენტი ჯერ კიდევ აქტიურ მკურნალობას გადის კოვიდ 19-ის ინფექციაზე. გარდაცვლილთა დღიური მაჩვენებელი უკვე საგრძნობლადაა შემცირებული და ამ დროისთვის საერთო სურათი ამგვარი- 150 000-მდე გარდაცვლილი და 2 მილიონზე მეტი გამოჯანმრთელებული.